लुम्बिनी– पूर्वराजा ज्ञानेन्द्र शाह गौतमबुद्धको जन्मथलो पुगेर शुक्रबार विशेष पूजा गरेका छन् ।

बुद्धको जन्मस्थल लुम्बिनीमा निर्मित हजार बुद्ध मन्दिरको पूजा कार्यक्रममा उनी सहभागी भएका छन् ।

उनले मायादेवी मन्दिरमा पनि बौद्ध भिक्षु र लामाहरूसहित दर्शन गरेका हुन् । उनी शुक्रबार रुपन्देही भैरहवास्थित गौतमबुद्ध अन्तर्राष्ट्रिय विमानस्थल हुँदै लुम्बिनी पुगेका हुन्।

भैरहवा र लुम्बिनीमा समर्थक, शुभेच्छुक र राष्ट्रिय प्रजातन्त्र पार्टी(राप्रपा)का नेता-कार्यकर्ताहरूसहितले स्वागत गरेका थिए ।