काठमाडौं– नेकपा माओवादी केन्द्रको पदाधिकारी बैठक स्थगित भएको छ ।

पार्टी केन्द्रीय कार्यालय पेरिसडाँडामा आज दिउँसो ३ बजेका लागि बोलाइएको बैठक अध्यक्ष पुष्पकमल दाहाल काठमाडौं बाहिर रहेकाले बैठक स्थगित गरिएको सचिव दिनानाथ शर्माले जानकारी दिए ।

अध्यक्ष दाहाल मकवानपुरको कार्यक्रममा व्यस्त भएकाले आजको बैठक भोलि बिहान दाहाल निवास खुमलटारमा बस्नेगरी स्थगित गरिएको हो ।

बैठकमा आगामी मंसिर १६ गते हुने स्थानीय तहको उपनिर्वाचन तथ समसामयिक राजनीतिक घटनाक्रमका विषयमा छलफल गर्ने एजेन्डा रहेको थियो ।