काठमाडौं ।कुवेतको जजिरा एयरवेज भैरहवास्थित गौतमबुद्ध विमानस्थलमा अवतरण गरेको छ । शनिवार बिहान ७ बजेर ४० मिनेटमा जहाज विमानस्थलमा अवतरण गरेको हो ।

दुई वर्षअघि यो विमानस्थल उद्घाटनसँगै जजिराले भैरहवाबाट उडान सुरु गरेको थियो । तर, १० महिना उडान भरेपछि प्राविधिक कारण देखाएर जजिराले उडान स्थगित गरेको थियो । भैहरवा–कुवेत उडान गर्ने जजिराले शनिबारबाट फेरि सेवा दिन थालेको हो ।

जजिराले मंगलबार, बिहीबार र शनिबार भैरहवा–कुवेत उडान भर्नेछ । विमानस्थलका अनुसार जजिराको विमान बिहान ७ बजेर ३० मिनेटमा भैरहवा अवतरण गरेको छ भने ८ बजेर ३० मिनेटमा कुवेतका लागि उडान भरेको छ ।