तीव्रखबर
काठमाडौं । पुर्व उपप्रधान एबं गृहमन्त्री तथा राष्ट्रिय स्वतन्त्र पार्टीका सभापति रवि लामिछानेले सहकारी प्रकरणमा आफू संलग्न नभएको बताए ।
भरतपुर विमास्थलमा शनिबार सञ्चारकर्मीसँग कुरा गर्दै सभापति लामिछानेले गोरखा मिडियासँग आफू संलग्नका बारेमा लागेको आरोप पुष्टि नहुने गरी प्रमाण बुझाएको तर्क राखे । संसदीय छानबिन समितिको सोधपुछमा बसेर बयान दिएका लामिछानेले संलग्नता नभए पनि सहकारी प्रकरण भन्दै हदैसम्म दुख दिएर आफ्नो बदनाम गर्न खोजिएको उल्लेख गरे ।
सहकारी ठगी प्रकरणमा संसदीय छानबिन समितिद्वारा अनुसन्धान जारी गरिरहेको अबस्थामा छानबिनका क्रममा रहेका उने आफ्नै ढंगबाट स्पष्टिकरण पेस गरे ।
त्यसो त सोधपुछका क्रममा धेरैले आरोप स्वीकार गरेकाछैनन् । सहकारीको रकमा दुरुपयोग गर्ने जो कोहीले सजाय पाउनु पर्ने आवाज चर्किएको छ । तर सहकारी पिडितले पैसा फिर्ता कहिले पाउने उत्तिकै अन्योल रहेको छ ।
कागजपत्र छानबिन समितिलाई बुझाएको संसदीय छानबिन समितिले देशभरका सहकारीमा भएको अनियमितताबारे अनुसन्धान गरिरहेको छ । समितिमा विभिन्न व्यक्तिलाई बोलाएर बयान लिने क्रम पनि जारी रहेको छ ।
सहकारी ठगी आरोपमा कारागार चलान भएकाहरूलाई समेत समितिमा बोलाएर बयान लिइँदै छ ।
पछिल्लो समय ठूलो सहकारी घोटालाको नाइके भनिएको गोर्खा मिडिया प्रालिका अध्यक्ष जीबी राई अझै भेटिएका छैनन् । मलेसियामा रहेको भनिएका राईलाई नेपाल प्रहरीले पक्राउ गर्न सकेको छैन ।
गोर्खा मिडिया प्रालिका साझेदारभनिएका पूर्व गृहमन्त्रीलाई रवि लामिछानेलाई यो मुद्दा टाउको दुखाइको विषय बन्दै गएको छ ।
लामिछाने मात्रै होइन उनकै पार्टीका सहमहामन्त्री विपिन आचार्यको खातामा समेत १२ करोडको ट्रान्जेक्सन देखिएको समिति सदस्य एवं सांसद लेखनाथ दाहाल राजनको भनाइ रहेको छ ।
विभिन्न विज्ञहरूको टोलीले सूक्ष्म अनुसन्धान गरिरहे पनि आरोपी स्वीकार गर्न तयार नरहेको उहाँको भनाइ छ ।
यता, राष्ट्रिय स्वतन्त्र पार्टीका सभापति रवि लामिछानेले सहकारीबाट आफूले ऋण लिएको प्रमाण छ भनेर संसदमा कुर्लने नेताले १०६ दिन बित्दासमेत प्रमाण दिन नसकेको टिप्पणी गरेका छन् ।
समिति सूर्य थापाले कसैलाई फसाउन र उम्काउन समिति नबनेको भन्दै निष्पक्ष छानबिनमा आफूहरू लागेको बताए ।
लामिछानेले जीबी राईलाई आफूले पक्राउ गर्नै लाग्दा केही व्यक्तिले भगाएको भन्दै उनी मलेसियामै रहेकाले सरकारले ल्याउन सक्ने बताए ।
समितिका सभापति थापाले सोधपुछका सवाल जवाफहरू अहिले गोप्य नै रहने भन्दै लामिछानेले आफूमाथिका आरोप भने अस्वीकार गरेको बताए ।
प्रतिक्रिया