प्रनिश थापा, चितवन, ईलाका प्रहरी कार्यालय रत्ननगरले सोमबार दिउँसो १६ हजार ५८५ रुपैयाँ नगद सहित पाँच जना जुवाडेलाइ पक्राउ गरेको छ ।
कालिका नगरपालिका वर्डा नम्बर ०८ स्थित कालिका मन्दिर नजिक पाँच जनाको समूहमा जुवाखेल भइरहेको भन्ने बिशेष सुराकीको आधारमा रत्ननगरबाट खटिएको प्रहरीको बिशेष टोलीले उनीहरुलाई जुवाखालबाटै पक्राउ गरेको हो ।
पक्राउ परेकाहरूमाथि अनुसन्धान भइरहेको ईलाका प्रहरी कार्यालय रत्ननगरका प्रहरी प्रमुख सन्तोष आचार्यले जानकारी दिनुभयो ।
यस अगाडि शनिबार मात्रै ४४ हजार रुपैयाँ सहित ११ जना जुवाडे लाई पक्राउ गरेको प्रहरीले आइतबार पनि रत्ननगर २ सिनेमाहल नजीक बाट ९ हजार रुपैयाँ सहित सोही संख्यामा मानिसहरूलाई रत्ननगरबाटै पक्राउ गरेको थियो । पछिल्लोपटक जिल्लामा जुवाडेहरु माथि प्रहरी निक्कै आक्रमक देखिएका छन् ।
यस बिषयमा तपाइको प्रतिक्रिया...!