आरुबोटेमामा भएको ९ को हत्याकी प्रत्यक्षदर्शी सीताको बयान:’मुकुण्डोले मान्छे चिनिन’

- May 21, 2019 मा प्रकाशित

काठमाण्डौ, पाँचथरको मिक्लाजुङ–३, आरुबोटेमा २ परिवारका नौ जनाको हत्याराको अहिलेसम्म पत्ता लागेको छैन । तर केही अनुमानका भरमा भने पारिवारिक रिसिइबीका कारण हत्या भएको हुन सक्ने आशंका गरिएको छ ।

२ नातेदार परिवारको हत्या भएकाले पारिवारिक रिसिबी यसको कारण हुनसक्ने प्रारम्भिक अनुमान गरिएको हो ।

आरुबोटेमामा भएको ९ को हत्याकी प्रत्यक्षदर्शी सीता खुजुमले बयान दिएकीछन् । ‘मुकुण्डो लगाएर आएकाले मान्छे चिनिन’ उनले भनिन् ।

घटनामा परी घाइते। भएकी प्रत्यक्षदर्शी १२ वर्षीया किशोरी सीता खुजुमले एक समूहले धारिलो हतियार प्रहार गरी अन्धाधुन्ध हत्या गरेको बयान प्रहरीलाई दिएकी हुन् ।

हत्या गर्ने क्रममा हत्याराले अनुहार छापिने गरी मुकुन्डो लगाएको पनि बालिकाले बताएकी छिन् । अज्ञात समूहको निशानामा सीता खुजुम स्वयं पनि परेकी छन् ।

आक्रमणबाट उनको हात भाँचिएको छ । उनी भागेर ज्यान जोगाउन सफल भएकी छन् । उनको अवस्था गम्भीर रहेकाले उपचारका लागि प्रहरीको भ्यानमा राखेर फिदिम ल्याइएको छ ।

अज्ञात समूहले सोमबार मध्यराति ससुरा बमबहादुर फियाक र ज्वाइँ धनराज शेर्मा परिवारका ९ जनाको विभत्स हत्या गरेको हो ।

हत्या गरिएकामा ४१ वर्षीय धनराज शेर्मा, ६ वर्षीया इक्सा शेर्मा, १३ वर्षीया योवना शेर्मा, आठ वर्षीया मुना शेर्मा र १२ वर्षीया आशिका खजुम लिम्बू छन् ।

त्यसैगरी, फियाक परिवारका ७४ वर्षीय वमबहादुर फियाक, उनकी श्रीमती तथा ३६ वर्षीया जस्मिता फियाक र २६ वर्षीया मनकुमारी फियाकको पनि हत्या भएको छ ।

शेर्मा र फियाक परिवारको घरको दुरी करिब डेढ–दुई किलोमिटर टाढा छ । संघीय प्रहरी इकाई कार्यालय सुनसरीबाट प्रहरी वरिष्ठ उपरीक्षक शरदकुमार खत्रीको समुह, क्षेत्रीय अनुसन्धान समूह पनि अनुसन्धानका लागि पाँचथर हिँडेको छ।

केन्द्रीय अनुसन्धान ब्युरोले घटनाको प्रारम्भिक अनुसन्धानपछि टोली पठाउने तयारी गरेको छ।

Facebook Comments

प्रतिक्रिया


Find Us On Facebook

छिटो खबरका लागि लाइक तथा सेयर गरौं ।

TibraKhabar TV

भर्खरै