त्यसपछि उनलाई कारबाही गर्न नेकपा एमालेमाथि चर्को दबाब परेको थियो । एमालेका कोशी प्रदेश अध्यक्ष घनश्याम खतिवडाले साधारण सदस्यसमेत नरहने गरी अधिकारीलाई निलम्बन गरिएको शनिबार बताएका छन् ।

अधिकारीलाई लागेको आरोपको निरूपण नभएसम्मलाई पार्टीको संगठित सदस्यबाट पनि निलम्बन गरिएको खतिवडाले बताएका छन् ।

अधिकारी एमालेमा महाधिवेशन प्रतिनिधि परिषद् सदस्य तथा संगठित सदस्य थिए । एमाले प्रदेश कमिटीले मन्त्री अधिकारीको भ्रमणसँग जोडिएर लागेको मानव तस्करी जस्तो गम्भीर आरोपबारे शीघ्र छानबिन र गहिरो अनुसन्धान गरी सत्यतथ्य सार्वजनिक गर्न पनि माग गरेको थियो ।

अधिकारीलाई निलम्बन गर्ने एमाले प्रदेश कमिटीको निर्णयलाई एमालेको केन्द्रीय सचिवालय बैठकले शनिबारै अनुमोदन गरिसकेको छ ।

अधिकारीलाई लागेका आरोपबारे वस्तुनिष्ठ, तथ्यपरक र गम्भीर छानबिन सरकारले गर्ने बताउँदै ज्ञवालीले त्यसमा पार्टीको तर्फबाट पूरा सहयोग हुने प्रतिबद्धता बैठकले गरेको बताएका थिए ।

अधिकारीलाई सार्वजनिक पदको दुरूपयोग गर्दै गैरकानुनी रुपमा युवाहरूलाई जापान लानन खोजेको आरोप लागेको छ ।

कोशी प्रदेश मन्त्रिपरिषद् र संघीय सरकारको अनुमतिबिनै अधिकारी जापान उडेका थिए । उनले आफ्नो भ्रमण टोलीको सदस्य बनाउन युवाहरूलाई मन्त्रालयको नक्कली परिचयत्र दिएका थिए । उनले खोटाङका ३६ वर्षीय दावा शेर्पा, खोटाङकै जनक राई र रसुवाका २२ वर्षीय कञ्चन देवकोटालाई जापान लान खोजेका थिए ।

मानव तस्करीमा जोडिए पनि अनुसन्धानको दायरामा नल्याएको आरोप लागिरहँदा अधिकारी आफैं प्रहरीमा उपस्थित हुन लागेका हुन् ।

उक्त प्रकरणमा नक्कली कागजात बनाएर जापान जान खोज्ने तीनजना र उनीहरूलाई जापान जाने व्यवस्था मिलाएका तीनजना अहिले काठमाडौं प्रहरीको हिरासतमा छन् ।

उनीहरूलाई जापान जाने बन्दोबस्तीमा संलग्न जुगल रिजाल, वीरबहादुर सुनुवार र महेश पाण्डेलाई प्रहरीले पक्राउ गरेर अनुसन्धान गरिरहेको छ ।

तीन जना युवालेआ फूहरू जापान जान लागेको पूर्वसूचना पूर्वमन्त्री अधिकारीलाई रहेको बयान दिएका छन् । उनीहरूले जनही १० देखि १३ लाख रुपैयाँ बुझाएर जापान जान खोजेको बताएका छन् । जापान जानुअघि मुख्य योजनाकार धादिङका महेश पाण्डेसँग पुर्वमन्त्री अधिकारीले विमानस्थलमै भेटेका थिए ।