सडक डिभिजन आगलागी घट्ना : सम्पूर्ण सरकारी कागजातहरु सुरक्षित

- February 12, 2024 गते तीव्रखबरमा प्रकाशित

तीव्रखबर (छिटो खबरको एउटै विकल्प)

काठमाडौं । मिनभवन स्थित सडक डिभिजन काठमाडौंको परिसरमा एक भवनमा आइतवार आगलागी हुँदा उक्त भवन भित्र रहेका सम्पूर्ण सामानहरु पूर्ण रुपमा क्षती भएको भएतापनि सरकारी कागजातहरु सुरक्षित रहेको डिभिजन कार्यालयले जनाएको छ ।
सो डिभिजन कार्यालयबाट जारी विज्ञप्तीमा भनिएको छ – ‘आगलागीका कारण डिभिजन प्रमुखको क्वार्टर र क्वार्टरमा रहेका सम्पूर्ण सामानहरु जलेर पूर्ण रुपमा नष्ट हुन गएको छ । यस डिभिजनको अन्य भवनहरु तथा कार्यालयमा रहेका सम्पूर्ण सरकारी कागजातहरु सुरक्षित रहेको व्यहोरा सम्पूर्ण सरोकारवालाहरुलाई जानकारीको लागि अनुरोध छ ।’
सूर्यविनायक– धुलिखेल, धुलिखेल– सिन्धुली– वर्दिवास सडक आयोजनाले उक्त कार्यालय स्थानान्तरण हुनु पूर्व प्रयोग गरिरहेको एक तल्ले पूर्व निर्मित भवन हाल सडक डिभिजन काठमाडौंका डिभिजन प्रमुखले क्वार्टरको रुपमा प्रयोग गर्दै आउनु भएकोमा मिति २०८० माघ २८ गते आइतवार दिउँसो करिव २ बजे तिर एक्कासी बिजुली सट भई आगलागी हुन जांदा तत्कालको पश्चात् काठमाडौं महानगरपालिका, ललितपुर महानगरपालिका, नेपाली सेना, सशस्त्र प्रहरी, नेपाल प्रहरी लगायतका वारुणयन्त्रहरुद्वारा अग्नि नियन्त्रण गर्न सफल भएको – उक्त विज्ञप्तीमा उल्लेख छ ।
सडक डिभिजन परिसरमा रहेका अन्य भौतिक संरचनाहरुको थप क्षति हुनबाट जोगाउन महत्वपूर्ण भूमिका निर्वाह गर्नु हुने वारुणयन्त्रका टिम नेपाली सेना, नेपाल प्रहरी, सशस्त्र प्रहरी, महानगर प्रहरी लगायत अग्नि नियन्त्रण एवं रोकथाममा संलग्न तथा यस घटनालाई सम्प्रेषण गर्नु हुने मिडिया तथा मिडियाकर्मी लगायत सम्पूर्णलाई यस डिभिजन कार्यालय हार्दिक धन्यवाद ज्ञापन गर्दछ । सो डिभिजन कार्यालयका सूचना अधिकारी ई. प्रमोद खतिवडाको हस्ताक्षरमा जारी विज्ञप्तीमा भनिएको छ ।


तीव्रखबर (छिटो खबरको एउटै विकल्प)

यस बिषयमा तपाइको प्रतिक्रिया...!