काठमाडौँ । नेपालीहरुको महान् पर्वको अवसर पारेर राजधानीको प्रर्दशनीमार्ग स्थित भृकुटीमण्डपमा ‘दसैँ फुटवेयर मेला–२०८०’ सञ्चालन गरिएको छ । सो मेलामा १० कम्पनीको आयोजनामा गत असोज ३ गतेदेखि सुरु भएको मेला आगामी कात्तिक ४ गतेसम्म चल्ने दसैँ जुत्तामेला संयोजक सविन कार्कीले बताएका छन् ।

सो मेलामा ६० प्रतिशत छुटमा जुत्ता चप्पल खरिद गर्न पाउने व्यवस्था मिलाएको आयोजकले जनाएको छ । मेलामा बोस सु इन्डष्ट्रिजको बोस सु, शिखर सु इण्डष्ट्रिजको शिखर सुज, रन सु इण्डष्ट्रिजको रन सुज, नियसा सु इण्डष्ट्रिजको ब्याम्बो सु, स्वदेशी सु उद्योगको पिजी सु, फुट स्टेप सु इण्ड्रष्टिजको आइडल सु, हिमानी सु कलेक्सनको हिमानी सु, स्मार्ट सु इण्ड्रटिजको स्मार्ट सु, वान वल्ड्र्स इण्डष्ट्रिजको वान वल्ड्र्स सु, पवित्र सु इण्ड्रटिजको सुल्याण्ड राखिएको छ ।

संयोजक कार्कीका अनुसार एकमहिने मेलामा महिला, बालकालिका, पुरुष सबै उमेर समूहलाई हुने गरी १० कम्पनीका ३० भन्दा बढी ब्राण्ड एक हजारभन्दा बढी मोडलहरु राखिएका छन् ।असोज १० गतेदेखि छुट अफर सुरु हुने मेलामा १५ प्रतिशतदेखि ६० प्रतिशतसम्म छुट दिएको आयोजकले जनाएको छ ।