रोशन कार्की
काठमाडौं । देशको विकास गरि सवै जनतालाई सहज रुपमा सेवा प्रदान गर्ने गराउने भन्दै सपथ खाएका जनप्रतिनिधि नै अबैधधन्दामा संलग्न भएको पाईएको छ । सरकारी ऐन कानुनलाई नै लत्याउदै अबैध रुपमा जहाँ मन लाग्यो त्यही बालुवा, गिटी उत्खनन गरि आफुखुशी बिक्री वितरण गर्ने कार्यमा जनप्रतिनिधिकै लगानी रहेको भेटिएको छ ।
यसरी जनताको भोट पाएर स्थानीय सरकार र केन्द्रदेखि प्रदेश सरकारको समेत जिम्मेवारी सम्हाली सकेका साँसद, मन्त्री हुदै पुर्वजनप्रतिनिधिदेखि गाउँपालिका र नगरपालिकाका मेयरहुदै सदस्यसम्मको लगानी अबैध क्रसर उद्योगमा रहेको भेटिएको छ । यसक्रममा काभ्रेपलाञ्चोकमा पूर्वसांसददेखि डनसम्मको लगानीमा रोडा–बालुवा तथा क्रसर उद्योगका मालिक बनेका छन् ।
पूर्वसांसद तीर्थ लामाले खार्पाचोकमा नाङसाल क्रसर चलाउदै आएका छन । सो क्रसरका कारण बिपी राजमार्ग नै जोखिममा परेको छ । कांग्रेसकै अर्का नेता कुन्साङ लामाको नमोबुद्ध–६ मा ब्लु साइन स्टोन क्रसर उद्योग सञ्चालन गरेका छन् । उनी नमोबुद्ध नगरपालिकाको मेयरमा पराजित उम्मेदवारसमेत हुन ।
त्यसको नजिकै डन पृष्ठभूमिका गणेश लामाको क्रसर छ । उनी कांग्रेस नेता विजयकुमार गच्छदारका विश्वासपात्रका रुपमा रहेका व्यक्ती हुन । उनी अबैधधन्दा चलाउनकैलागि विभिन्न दल र शक्तीकेन्द्रमा जाने गरेका छन् भने पछिल्लो समयमा उनी नेपाली काँग्रेसमा प्रबेश गरेका व्यक्ती हुन ।
नेकपाका नेताहरू प्रेम लामा र उज्ज्वल लामाको लगानीमा पनि क्रसर उद्योग सञ्चालन गर्दै आएका छन । प्रेम जिल्ला समन्वय समितिका सदस्य समेत रहेको खुलेको छ । प्रदीप बोगटीले लामो समयदेखि ढुंगाखानी चलाउँदै आएको भेटिएको छ । पनौती तथा बेथानथोकका क्रसर नेता तथा प्रहरीलाई समेत साझेदार बनाएर चलाइएको पाइएको छ ।
रोशी तथा सुनकोसी नदीबाट मापदण्डविपरीत रोडा–बालुवा निकाल्ने तथा क्रसर चलाउनेहरू पार्टीमै आबद्ध सदस्यहरुको रहेको छ । सबै उद्योगहरु विद्यमान मापदण्ड पूरा गरेका छैननर । गुल्मीको रेसुंगा नगरपालिकामा पनि पुर्व मेयरको क्रसर उद्योगमा छोराको नाममा सञ्चालन भै रहेको छ ।
सिन्धुपाल्चोकका क्रसर उद्योगमा नेताको लगानी भएपछि सञ्चालन गर्न अनुमति (नाम सहित)
मेलम्ची नगरपालिको क्रसर उद्योगमा मन्त्रीकै अबैध लगानी : कर छली गर्दै दोहन/सरकारी निकाय चुप
मापदण्ड विपरित जनप्रतिनिधिको क्रसर उद्योगमा लगानी : उनीहरुबाटै कार्यविधि–२०७५ निष्कृय
जुरे पहिरोपीडितको जग्गा जनप्रतिनिधिद्वारा अधिग्रहण गरी क्रसर उद्योग स्थापना
दलका नेतादेखि जनप्रतिनिधि नै गिटी–बालुवाका ठेकेदार : मापदण्ड विपरित क्रसर सञ्चालन
क्रसर उद्योगमा नेता, कर्मचारी र जनप्रतिनिधिको लगानी : बन्द नहुने पक्कापक्कि
इस्मा गाउँपालिका–२ पनाहामा ठूलो बेनामे क्रसर सञ्चालनमा छ । दर्ता त परको कुरा, वातावरणीय मूल्यांकनसमेत नगरी सञ्चालन गरिएको यो क्रसर सञ्चालकमध्ये एक वीरेन्द्र भुसाल रेसुंगा नगरपालिकाका पुर्वमेयर डिल्लीराज भुसालका छोराको नाममा चलाउदै आएका छन् । भुसाल रामेछाप कन्स्ट्रक्सन र पोखरेल सुनील समिति निर्माण सेवाका सञ्चालक हुन ।
सिन्धुपाल्चोक जिल्लाका नेता मात्रै होइन, भक्तपुरका जनप्रतिनिधिसमेतको लगानी सिन्धुपाल्चोकका खोलामा रहेका क्रसरमा रहेको छ । मेलम्ची नगरपालिका–१२ स्थित रक्तमाला र पाल्चोकी इन्फ्रास्ट्रक्चर क्रसरमा भोटेकोसी गाउँपालिकाका पुर्वअध्यक्ष राजकुमार पौडेलको लगानी छ । मेलम्ची–१३ को गंगा–इन्द्रावती क्रसरमा पनि पौडेलकै सेयर रहेको छ ।
मेलम्ची–१३ का पुर्ववडाध्यक्ष देवेन्द्र घोरासैनीको लगानी चौतारा–साँगाचोकगढी नगरपालिका–११ मा कालिन्चोक भगवती एग्रिगेट क्रसरमा रहेको छ । यो क्रसरमा नेकपा जिल्ला नेता गोविन्द पराजुलीको ठूलो लगानी रहेको छ । भक्तपुरका पुर्वजनप्रतिनिधि समेत सिन्धुपाल्चोक पुगेर क्रसर चलाउदै आएका छन् ।
मेलम्ची–१३ को जालपादेवी क्रसर सूर्यविनायक नगरपालिका–८ का पुर्व वडाध्यक्ष किरण थापाको रहेको छ । चौतारा–साँगाचोकगढी नगरपालिकाका पुर्वमेयर अमानसिंह तामाङले भने छोरा रघुसिंह तामाङको नाममा इन्द्रावती–१२ मा अविरल इन्द्रावती क्रसर सञ्चालन गर्दै आएका छन् । यो क्रसरमा नेकपा जिल्ला सचिव दावा तामाङको समेत लगानी रहेको भेटिएको छ ।
चौतारा–साँगाचोकगढी–१२ स्थित सिन्धु स्टोन एन्ड क्रसर कांग्रेस जिल्ला नेता केशवराज गिरीको लगानी रहेको छ । नेकपा जिल्ला सदस्य उपेन्द्र तामाङको मेलम्ची–११ मा पाल्चोकीमाई क्रसर उद्योगमा रहेको छ । यी सबै क्रसर मापदण्ड विपरीत सञ्चालनमा रहेपनि सरकारी निकायले भने कुनै कारबाही गर्न आँट गरेको छैन ।
दोलखाका आठमध्ये दुई क्रसरमा पुर्वजनप्रतिनिधिको लगानी रहेको भेटिएको छ । कालिञ्चोक गाउँपालिका–७ स्थित गुमुखोला रोडा–ढुंगा उद्योग नेकपा दोलखाका अध्यक्षसमेत रहेका तामाकोसी गाउँपालिकाका पुर्वअध्यक्ष ईश्वरचन्द्र पोखरेल रहेको छ । मापदण्डविपरीत चलेको उनको उद्योगले तामाकोसी दोहनमा गरिरहेको छ । सिँगटीमा रहेको सिँगटी क्रसर उद्योग बिगु गाउँपालिका पुर्वअध्यक्ष युधिष्ठिर खड्काको रहेको ।
यो उद्योग दर्ता नै नगरी सञ्चालित रहेको बताइएको छ । अवैध क्रसरमा राजनीतिक लगानी र संरक्षण यति बलियो छ कि नदीजन्य सामग्री उत्खननमा पुर्वमेयर र पुर्ववडाध्यक्षकै गाडी प्रयोग हुदै आएको छ । नियन्त्रणमा लिए उल्टै प्रहरी नै कारबाहीमा पर्ने गरेका छन् ।
जिल्लाका प्रायः क्रसर उद्योगले बालुवा प्रशोधन केन्द्रको अनुमति लिएर अवैध रूपमा क्रसर उद्योग चलाउदै आएको समेत रेकर्डमा देखिएको छ । उनीहरूले राजनीतिक पहुँचकै आधारमा मापदण्डविपरीत यी प्रशोधन केन्द्र चलाउँदै आएका छन । उद्योगले असर गर्दा पनि धम्कीका कारण बोल्न नसकेको स्थानीय बताउँछन ।
यस बिषयमा तपाइको प्रतिक्रिया...!