काठमाडौं । बिमा समितिको नाम परिवर्तन गरिएको छ । साविकको बीमा समितिको नाम अब कार्तिक २२ गतेबाट ‘नेपाल बीमा प्राधिकरण’ का रुपमा काम थालेको छ । बीमा व्यवसायको नियमन गर्दै आएको बीमा समिति औपचारिक रुपमा आजदेखि बीमा प्राधिकरणमा रूपान्तरण भएको हो ।

बीमा ऐन २०७९ कार्यान्वयनमा आएसँगै समितिको सम्पूर्ण कामकारबाही प्राधिकरणमा रूपान्तरण भएको हो । भदौ अन्तिममा संघीय संसद्बाट पारित भएको बीमा विधेयक असोज २२ गते राष्ट्रपति विद्यादेवी भण्डारीबाट प्रमाणीकरण भएको थियोे । राष्ट्रपतिबाट प्रमाणीकरण भएको १ महिनामा लागू हुने कानुनी प्रावधानअनुसार बीमा समिति प्राधिकरण बनेको हो ।

नयाँ लोगोमा बीमा समितिको ठाउँमा ‘नेपाल बीमा प्राधिकरण’ राखिएको छ । समितिको लेटरप्याड तथा संकेतलाई यथावत् राखिएको छ । नयाँ बीमा ऐन २०७९ कात्तिक २२ गतेबाट लागु हुनेछ । बीमा समिति प्राधिकरण बने पनि त्यही जनशक्ति रहनेछ । लोगो र नाम मात्र परिवर्तन हुने समितिले जनाएको छ ।