नेपाली कोरियोग्राफि अन्तर्राष्ट्रिय स्तरमा पुर्‍याउँछु : चाँदनी

207

काठमाडौं । सन् २००७ देखि मोडलिङ फिल्डलाई आफ्नो कर्मथलो बनाउदै आएकी कोरियोग्राफर चाँदनी लामिछानेले २००९ बाट ब्यवसाहिक कोरियोग्राफी थालेकी हुन् । अहिले सौन्दर्य प्रतियोगिता होस् वा अन्य फेसन शो, उनी आयोजकको पहिलो रोजाईमा पर्ने गर्छिन् ।

सन् २००७ मा ब्यवसायिक मोडलका लागि आवश्यक प्रशिक्षण सहित यो क्षेत्रमा होमिएकी उनले सुरुका केही बर्ष र्‍याम्प सो, फेसन परेड लगायतमा आफुलाई सक्रिय राखिन् । यहि समय दर्जन हाराहारीका म्युजिक भिडियो अभिनय गरेकी उनले कान्तिपुर टेलिभिजनबाट प्रसारण भएको कलेज सिरियलमा समेत अभिनय गरेकी छन् ।

त्यसपछि केही अन्य सानोपर्दाको श्रृखला र केही चलचित्रमा सानोतिनो भुमिका निर्बाह गरेकी लामिछाने २००९ की सौन्दर्य प्रतियोगिता ‘मिस राजधानी’ बिजेता पनि हुन् । २००९ कै ‘मिस एण्ड मिष्टर राजधानी’ उनको कोरियोग्राफीको पहिलो सौन्दय प्रतियोगिता थियो ।

त्यसपछि ‘मिष्टर नेपाल’, ‘रन वे मोडल’ ,‘मिष्टर एण्ड मिस राजधानी’, ‘ नेपाल फेसन आइकन’ लगायत थुप्रै सौन्दर्य प्रतियोगितामा कोरियोग्राफरको जिम्मेवारी निर्बाह गर्दै आएकी उनी पछिल्लो समय दर्जन बढी सौन्दर्य प्रतियोगीता हरुमा आवद्ध रहँदै आएकी छन् ।

पुरुषहरुको सौन्दर्य प्रतियोगिता समेत सम्हाल्ने एकमात्र महिला कोरियोग्राफरमा आफ्नो नाम दर्ज गराउन सफल उनी बिभिन्न अन्तराष्ट्रिय कार्यक्रमसँग पनि आवद्ध छिन् । सार्क कल्चर एसोसियसनले केही पहिले आयोजना गरेको अन्तराष्ट्रिय कल्चरल अवार्डमा समेत पुरस्कार पाउन सफल उनी नेपाल राष्ट्रिय मोडलिङ संघबाट समेत बेलाबेलामा सम्मानित हुन सफल बनिन् । मिस्टर टिन एसिया प्यासिफिक कार्यक्रमसँग समेत आवद्ध उनी आफुलाई बिभिन्न फेसन सो, फेसन परेडमा पनि आवद्ध रहदै आएकी छन् ।

नेपालमा कोरियोग्राफरको भबिस्या राम्रो भएपनि संख्यामा बृद्धी हुन नसकेको गुनासो गर्ने उनी समाजले कोरियोग्राफरलाई सकारात्मक दृष्टीले हेर्ने गरेको बताउँछिन् । कोरियोग्राफीको तुलनामा मोडलिङ पेशा राम्रो नभएको बताउने उनी कोरियोग्राफरको पारिश्रमिक र इज्जत मोडलिङको तुलनामा राम्रो भएको अनुभव सुनाउँछिन् । व्यक्तित्व विकास लगायत भबिस्य निर्माणका लागि आवश्यक बिभिन्न प्रशिक्षण कोरियोगाफी भित्र पर्ने बताउने उनी यो प्रशिक्षणले जीवन अगाडि बढाउन सहज हुने तर्क गर्छिन् ।

थुप्रै सामान्य मानिसलाई कोरियोग्राफी मार्फत्अन्तराष्ट्रिय क्षेत्रमा नेपालको प्रतिनिधित्व गर्न सक्ने समेत बनाएकी चाँदनी अहिले आफ्नो कोरियोग्राफी अन्तराष्ट्रिय स्तरमा पुर्‍याउने कसरतमा छिन् । देशको कलासंस्कृति बिदेशका बिभिन्न मुलुकमा पुर्‍याउने उदेश्यका साथ आफुले अन्तराष्ट्रिय कोरियोग्राफी थालनी गरेको उनी बताउँछिन् । मोडलिङ उद्योेगलाई अन्तराष्ट्रिय स्तरमा लैजाने उनको अन्तराष्ट्रिय कोरियोग्राफीे उनको अर्काे लक्ष्य पनि हो ।

Facebook Comments

LEAVE A REPLY