सामुुदायिक विद्यालयमा आकर्षण कम

14

– सुभानु आचार्य 

ललितपुर, महालक्ष्मी नगरपालिकाका सामुदायिक विद्यालयमा अध्ययनका लागि स्थानीय बालबालिकाको आकर्षण कम देखिएको छ । 

त्यहाँका बासिन्दाको आर्थिक अवस्था सुदृढ, केही पुख्र्यौँँली सम्पत्तिको सुविधा हुँदा यी विद्यालयको तुलनामा धेरैजसो अभिभावकले आफ्ना छोराछोरीलाई निजी विद्यालयमा पढाएका हुन् । 

निजीमा विद्यार्थीलाई कडा नियम, प्रत्येक दिन विद्यालय अनिवार्य उपस्थित गराउने मनोवृत्ति, आवश्यकभन्दा बढी अतिरिक्त क्रियाकलापको सुविधा, आकर्षक किसिमको विद्यालय भौतिक संरचनाले निजीमा सकारात्मक प्रभाव पार्न सफल भएको महालक्ष्मी नगरपालिका सामुदायिक विद्यालयका स्रोतव्यक्ति राजेन्द्रविक्रम कार्कीले जानकारी दिनुभयो । 

महालक्ष्मी वडा नं १ देखि ४ सम्म इमाडोल क्षेत्र पर्छ । इमाडोलका–१० प्रतिशत, वडा ५ टिकाथलीका २० प्रतिशत, वडा नं ६ सिद्धिपुरका १५ प्रतिशत, वडा नं ७ चापाथली २५ प्रतिशत, वडा नं ८ लुभूका २५ प्रतिशत, वडा नं ९ लामाटारका ५० प्रतिशत र वडा नं १० लाकुरीभञ्ज्याङका ९५ प्रतिशत बालबालिका त्यहाँका सामुदायिक विद्यालयमा अध्ययन गर्छन् । कार्कीले भन्नुभयो, “एकको देखासिखीमा अर्काले निजी विद्यालयमा छोराछोरी पढाउने क्रम बढ्दै जाँदा यो विद्यालयप्रति स्थानीय व्यक्तिको मनोवृत्ति घटेको हो ।” 

नेपालका ७७ जिल्लाबाट बसाइँसराइ गरेर त्यहाँ आएका बढीभन्दा बढी बालबालिका महालक्ष्मीको सामुदायिक विद्यालयमा अध्ययन गर्छन् । त्यहाँ स्थानीय तह गठन भएपछि यी विद्यालयमा विद्यार्थी सङ्ख्या बढाउन विभिन्न पहलको शुरुआत भइरहेको छ । तर, त्यहाँका शिक्षक तथा बालबालिकाको समस्या विचार गरी आवश्यक सुधार गरेमा पक्कै यी विद्यालयप्रति आकर्षण बढ्ने जानकार बताउँछन् । 

स्यानेटरी प्याड वितरण 

महालक्ष्मी नगरपालिकाले १५ सामुदायिक विद्यालयमा अध्ययनरत १० वर्षमाथिका किशोरीलाई स्यानेटरी प्याड वितरण गर्ने भएको छ । 

रजस्वला भएको समय किशोरी अध्ययनका लागि नियमित विद्यालय उपस्थित हुन् भन्ने उद्देश्यका साथ नगरपालिकाले स्यानेटरी प्याड वितरण गर्न लागेको हो । “आगामी फागुनदेखि उक्त प्याड वितरणको थालनी गर्छौँ, यहाँका सामुदायिक विद्यालयमा अध्ययनरत १० वर्षमाथिका किशोरीको सङ्ख्या एक हजार ८०० छन्”, श्रेष्ठले भन्नुभयो, “किशोरीका साथै शिक्षिकालाई पनि प्याड वितरण गर्ने योजना अघि बढाएका छौँ ।” 

नगरपालिकाले पहिलोपटक वितरण गर्न लागेको प्याड पुनः प्रयोग गर्न मिल्दैन । प्रत्येक सामुदायिक विद्यालयका प्रधानाध्यापक, स्वास्थ्य शिक्षा पढाउने शिक्षक र विद्यार्थीलाई संयुक्त रूपमा राखेर नगरपालिकाले प्याड वितरण गर्ने योजना अघि बढाएको नगरपालिकाकी शिक्षा युवा तथा खेलकूद शाखा प्रमुख उषा कँडेलले बताउनुभयो । 

“प्याड वितरण गर्नुपूर्व किशोरीलाई प्रयोग गर्ने विधिबारे जानकारी दिन्छाँै”, कँडेलले भन्नुभयो, “यहाँका स्वास्थ्यचौकीमा कार्यरत नर्सले प्याड प्रयोग गर्ने विधि सिकाउनुहुनेछ ।” 

महीनावारी हँुदा कोही पनि किशोरी पढाइ छाडेर घर जानुपर्ने अवस्थाको अन्त्य होस् भनेर नगरपालिकाले प्याड वितरण गर्न लागेको हो । नगरपालिकामा हालसम्म एक हजार ३२० प्याड भित्रिएको छ । सबै प्याड आइसकेपछि फागुनदेखि यस कामको थालनी गर्ने बताइएको छ । सामुुदायिक विद्यालयमा आकर्षण कम

Facebook Comments

LEAVE A REPLY