पृथ्वीनारायण शाहको शालिकमा राष्ट्रपति भण्डारीले गरिन् माल्यार्पण

9
¥ofnL @(& cf}F k[YjL hoGtL tyf /fli6«o Pstf lbj;sf cj;/df z'qmaf/ k|1f ejgaf6 z'? ePsf] ¥ofnL l;+xb/af/sf] klZrd u]6 cufl8 /x]sf] /fi6«lgdf{tf k[YjLgf/fo0f zfxsf] zflnstkm{ cfufl8 a9b} . tl:a/ M k|bLk/fh jGt, /f;;

काठमाडौं – राष्ट्रपति विद्यादेवी भण्डारीले सिंहदरबारको मूल गेट अगाडि रहेको राष्ट्र निर्माता पृथ्वीनारायण शाहको शालिकमा माल्यार्पण गर्नु भएको छ ।

राष्ट्रपति भण्डारीले २ सय ९७ औं पृथ्वी जयन्ती तथा राष्ट्रिय एकता दिवसको अवसर पारेर शुक्रबार सिंहदरबारको मूलगेटमा आयोजित एक समारोहमा त्यहाँ रहेको राष्ट्र निर्माता पृथ्वीनारायण शाहको शालिकमा माल्यार्पण गर्नु भएको हो । त्यस अवसरमा उहाँलाई नेपाली सेनाले सलामी समेत अपर्ण गरेको थियो ।

समारोहमा मन्त्रिपरिषद्का पूर्व अध्यक्ष खिलराज रेग्मी, मन्त्रीहरु, राष्ट्रिय प्रजातन्त्र पार्टीका अध्यक्ष कमल थापालगायतका नेताहरु पनि सहभागी हुनु भएको थियो । समारोहमा पृथ्वीनारायण शाहलाई राष्ट्रिय एकताको प्रतिकको रुपमा स्मरण गर्दै राष्ट्रिय झण्डा फहराईएको थियो भने राष्ट्रिय गान र राष्ट्रिय धुन बजाइएको थियो ।

यसैबीच, समारोहमा सहभागी भएका सर्वसाधारणहरुले पृथ्वीनारायण शाहकै योगदानका कारण नेपाली भएर रहन पाएकोमा गर्व लागेको प्रतिक्रिया दिएका छन । उनीहरुले राष्ट्र निर्माता पृथ्वी नारायण शाहको जन्म दिनमा सार्वजनिक बिदा नदिएकोमा सरकारप्रति असन्तुष्टि पनि जनाएका छन ।

राष्ट्र निर्माता पृथ्वीनारायण शाहको प्रशासनिक कौशललाई ग्रहण गरेर अघि बढ्न पनि नेताहरुलाई सर्वसाधारणको सुझाव छ । राष्ट्र निर्माता पृथ्वीनारायण शाहले नेपालको एकीकरण गर्नु भएकाले उहाँको सम्मानमा जन्मजयन्तिको अवसर पारेर पुस २७ गते राष्ट्रिय एकता दिवस मनाउने गरिएको हो ।

पृथ्वी जयन्तीको दिन दिँदै आएको बिदा कटौति गरेपनि सरकारले राष्ट्रिय एकता दिवसलाई आदरभावका साथ मनाइरहेको छ । 

Facebook Comments

LEAVE A REPLY