काठमाडाैंमा सोलारबाट चल्ने ट्राफिक बत्ती राखिँदै

40

काठमाडौंका बिभिन्न आठ ठाउँमा सोलारबाट चल्ने ट्राफिक बत्ती राखिने भएको छ । पद्मोदय रोड, बागबजार, सिंहदरबार गेट अगाडि, पुरानो बानेश्वर, मित्रपार्क, गौशाला, कालिमाटी र तीनकुनेमा ट्राफिक बत्ती राख्न लागिएको हो । 

सहरको ट्राफिक अवस्थालाई व्यवस्थित गर्दै जाम कम गर्न ट्राफिक बत्ती राख्न लागिएको सडक विभागका प्रवक्ता मुक्ति गौतमले बताउनभयो । 

पहिलेका ट्राफिक बत्ती विदेशी दाताहरुको सहयोगमा राखिएका भए पनि अहिले भने नेपाल सरकारको तर्फबाट नै ट्राफिक बत्ती निर्माणको लागि बजेट छुट्याइएको छ । आठ ठाउँमा ट्राफिक बत्ती राख्नको लागि ९७ लाख ५० हजार रुपैयाँको बजेट प्राप्त भएको गौतमले बताउनुभयो । 

Facebook Comments

LEAVE A REPLY