छाती जोडिएका यी जुम्ल्याहा बच्चाको सफलतापूर्वक शल्यक्रिया सम्पन्न

42

काठमाडाैं – शरीरको छातीको भाग जोडीएका जुम्ल्याहा बच्चाको सफलतापूर्वक शल्यक्रिया गरिएको छ। भुटानका १५ महिने निमा र देवा नाम गरेका बच्चाको अष्ट्रेलियामा शल्यक्रिया सम्पन्न भएको हो। उनीहरुको कलेजो एउटैमा जोडीएको थियो। जोडीएको कलेजो सफलतापूर्वक छुट्याइएको चिकित्सकले बताएका छन्।

उनीहरुको शल्यक्रिया गर्न ६ घण्टा लागेको डा जोय क्रेमेरीले बताए। बच्चाहरुको शल्यक्रिया गर्न धेरै खर्च लाग्ने भएकाले च्यारिटी शो गरेर खर्च जुटाइएको थियो ।

चिल्ड्रेन फस्ट फाउन्डेसनले च्यारिटी शो गरेर बच्चाहरुको उपचारका लागि खर्च जुटाएको छ । डाक्टरहरुले दुई बच्चलाई छुट्याउने शल्यक्रिया गर्न तीन लाख अमेरिकी डलर भन्दा बढी खर्च हुनसक्ने बताएका थिए ।

निमा र दावा नाम गरेका ती बच्चाको उपचार गराउन आमा भुङ्चु ज्याङ्मो गएको अक्टोबर २ मा अष्ट्रेलियाको मेलबर्न शहरमा पुगेकी थिइन् । डाक्टरहरुले नोभेम्बर ९ मा उनीहरुको शल्यक्रियाको मिति तोकेका थिए ।

उनले बच्चाको परिवारलाई यो खबर सुनाउन पाउँदा आफुहरुलाई निकै खुसी लागेको बताए। शल्यक्रिया पश्चातको २४ देखी ४८ घण्टा चुनौतिपूर्ण हुने भन्दै उनले सकरात्मक परिणाम आउनेमा आफु आशावादी रहेको बताए।

Facebook Comments

LEAVE A REPLY