काठमाडौँ / आजको व्यवस्थापिका–संसद्को बैठकमा शून्य समयमा सांसदले अत्तरिया नगरपालिकामा रहेका सुकुम्बासी समस्या हल गर्न, स्थानीय निकायको सङ्ख्या न्यूनतम एक हजार बनाउन र प्रवासी नेपालीलाई आगामी निर्वाचनमा मतदानको व्यवस्था मिलाउन माग गर्नुभयो ।
यसरी आफ्नो भनाइ राख्नेमा दीर्घराज भाट, तुला हरिजन, दुर्गा पौडेल, राजेन्द्र थारू, भानु महरा, प्रेम सुवाल, धनीराम पौडेल, नागेन्द्र थारू र प्रेम सुवाल हुनुुहुन्थ्यो । यसैगरी उहाँहरुले चितवनको माडी नगरपालिकाभित्र हात्ती र गैँडा आतङ्क रोक्न सदन र सरकारको ध्यानाकर्षण गराएकाछन् ।
हालैको निरन्तरको वर्षाले देशका विभिन्न भाग डुबानमा परेका तथा जनधनको क्षति भएकाले यसका बारेमा सरकारले सदनमा जानकारी दिन उहाँहरुले माग गरेका छन् ।
यस बिषयमा तपाइको प्रतिक्रिया...!