काठमाडौं, ३० कार्तिक : प्रधानमन्त्री केपी शर्मा ओली स्वास्थ्य जाँचका लागि धापासीस्थित ग्रान्डी अस्पताल जान लागेका छन् । उनी फलोअपका लागि अस्पताल जान लागेको ग्रान्डी अस्पतालका डाइरेक्टर चक्रराज पाण्डेले जानकारी दिए। ‘प्रधानमन्त्री ज्यू अस्पताल आउने कुरा छ, उपचारका लागि हामी तयारी अवस्थामा छौं’ डा.पाण्डेले भने ।
चिकित्सकका अनुसार प्रधानमन्त्रीको स्वाथ्य जाँच गरेपछि आवश्यक भए डायलासिस पनि गर्ने तयारी छ। ग्रान्डीमै कात्तिक १२ र १३ गते उनको डायलासिस गरिएको थियो । पिसाब निष्कासनमा सहजताका लागि मिर्गौलामा स्टेन्ट राखिएको थियो ।
त्यो स्टेन्ट खुलाउने र आवश्यक परे तेस्रो पटक डायलाइसिस गर्ने तयारी चिकित्सकको छ । ‘प्रधानमन्त्रीसँग सल्लाहपछि निर्णय लिइने छ ।’ एक चिकित्सकले भने । अन्नपूर्णबाट
यस बिषयमा तपाइको प्रतिक्रिया...!