प्रनिश थापा, चितवन, कामको खोजीमा चितवन आएकी तीन जना किशोरीहरुलाई जवर्जस्ती यौनधन्दामा लगाउने दुई जनालाई चितवन प्रहरीले बिहीबार पक्राउ गरेको छ ।
गत, असार १ गतेदेखि साउन १५ गतेसम्म सौराहा घुमाउने बहानामा विभिन्न होटलहरुमा राखी ग्राहक खोजी ल्याइ डर, त्रास तथा करकापमा पारी यौनधन्दामा लगाएको भन्दै प्रहरीले रामेछाप मनथली नगरपालिका वर्डा नम्बर ४ स्थाइ घर भइ हाल भरतपुर महानगरपालिका ११ स्थित घोलबजार बस्ने रमिला तामाङ र गोर्खा सुलिकोट गाउँपालिका ७ बस्ने सुनिल गुरुङलाई पक्राउ गरेको हो । पक्राउ परेकाहरुको साथबाट प्रहरीले बा। ८। च। ९६०० नम्बरको गाडी समेत बरामद गरेको छ ।
पीडित किशोरीहरुको उजुरीका आधारमा त्यसलाई पछ्याउँदै गएको प्रहरीले उनीहरुलाई पक्राउ गरेको हो । कोठा भाडामा लिएर एक पटकको तीन हजार र रातको ६ हजार रुपैयाँ लिएर जवर्जस्ती यौनजन्य गतिविधीमा संलग्न रहेको प्रारम्भिक अनुसन्धान बाट खुलेको जिल्ला प्रहरी कार्यालय चितवनका एसपी दानबहादुर मल्लले जानकारी दिनुभयो ।
पक्राउ परेकाहरूलाई मानव बेचबिखन तथा ओसारपसारमा नियन्त्रण ऐन २०६४ अन्तर्गत मुद्दा दर्ता गरी चितवन अदालतबाट ६ दिनको म्याद थप गरेर अनुसन्धान गर्ने कार्य भइरहेको प्रहरी प्रमुख मल्लले जानकारी दिनुभयो ।
यस बिषयमा तपाइको प्रतिक्रिया...!