पूर्व   राजा ज्ञानेन्द्र शाहले यस वर्षको मौसमी वर्षासँगै राजधानीलगायत देशका विभिन्न भू–भागमा आएको बाढी–पहिरोको प्रकोपले निकै जन–धनको क्षति भएकोमा आफूलाई दुःखी तुल्याएको बताउनुभएको छ ।

आज  एक विज्ञप्ति प्रकाशित गर्दै उहाँले भन्नुभएको छ– ‘प्राकृतिक प्रकोप र मानवीय संवेदनाको यो घडीमा तिम्रो र मेरो भन्ने सङ्कीर्ण सोचबाट माथि उठेर सबैले सबैको लोकहितकारी काममा लाग्नु पर्दछ भन्ने मेरो हार्दिक आग्रह छ ।’

प्राकृतिक विपदको यो घडीमा शोकसन्तप्त पीडित सबैप्रति हार्दिक समवेदना र सहानुभूति राख्दै विपद ब्यवस्थापनको प्रभावकारी कदम चालिनुपर्ने आवश्यकता पूर्व  राजाले औंल्याउनुभएको छ ।