काठमाडौं, विप्लव नेतृत्व नेपाल कम्युनिस्ट पार्टीले पुर्वका भोजपुर,संङखुवासभा,सोलुखुम्बु लगाएतका जिल्लामा प्रहरीले हतियार सहित प्रहरी गाउँ गाउँमा बसेर गाउँलेहरु अातङ्कित पार्ने तर्साउने गरेको बताएको छ ।

यसै क्रममा नेकपाले सङ्खुवासभा जिल्लाको सिलिचुङ १ मा शान्तिपूर्ण राजनीतिक कार्यक्रमकालागि जनताको घरमा बास बसिरहेका नेपाल कम्युनिस्ट पार्टीका नेता–कार्यकर्तामाथि सरकारले प्रहरी परिचालन गरी तीव्र दमन गरेको विरोधमा यही असार १९ र २० गते सङ्घर्षका कार्यक्रम सार्वजनिक गरेको छ ।

सङ्घर्षका कार्यक्रम अन्तर्गत असार १९ र २० गते देशव्यापी रूपमा मशाल जुलुस निकाल्ने र २१ गते देशव्यापी विशाल जनप्रदर्शन गर्ने निर्णय भएको जानकारी नेकपाको केन्द्रीय कार्यालयले दिएको छ ।

सरकारले असार १६ गते सङ्खुवासभा जिल्लाको सिलिचुङ १ सिसुवाटार होङ्लामा जनताको घरमा बास बसिरहेका नेकपाका नेता–कार्यकर्तामाथि अन्धाधुन्द गोली प्रहार गरेको थियो । उक्त घटनामा नेकपातर्फ क्षति नभए पनि सरकारी दमन तीव्र बन्दै गएपछि नेकपाले त्यसकाविरुद्ध सङ्घर्ष घोषणा गरेको हो ।

सरकारले जेठ ७ गते भोजपुरमा तीर्थ घिमिरे ‘राजु’ र असार ५ गते सर्लाही इन्चार्ज कुमार पौडेललाई गिरफ्तार गरिसकेपछि हत्या गरेको थियो । सरकारी दमन र हत्याको देशव्यापी विरोध भइरहेको सन्दर्भमा प्रहरीले सङ्खुवासभा, कालीकोटलगायत जिल्लामा व्यापक दमन सुरु गरेको छ । नेकपाले सबैखाले दमनको विरोध गर्दै आएको छ ।

प्रहरी दमन र ज्यादती विरुद्ध शशक्त अान्दोलनमा सहभागी बन्न नेकपाले पार्टी पक्ति लाई निर्देशन दिएको छ ।