काठमाडौं, राष्ट्रिय प्रजातन्त्र पाटी (राप्रपा) का अध्यक्ष कमल थापाले राजतन्त्रको अन्त्यपछि मुलुक झन् विकराल अवस्थामा प्रवेश गरेको बताएका छन् ।
स्वाभिमान यात्राको क्रममा पर्वतको सदरमुकाम कुश्मामा आयोजित आमसभालाई सम्बोधन गर्दै अध्यक्ष थापाले राजतन्त्र समाप्त भएको १३ वर्षमा देशले केही गतिलो चिज पाउन नसकेको बताए ।
केपी सरकारले सुशासन कायम गर्न नसकेको र विप्लबलाई कमजोर सम्झेको भन्दै उनले तत्तकाल वार्ताबाट समस्या समधान गर्न आग्रह गरे ।
अध्यक्ष थापाले जनयुद्धको नाममा १० वर्ष सर्वस्व गुमाउँदै शान्ति प्रक्रियासम्म आइपुग्दा पनि पुनः नयाँ माओवादी विद्रोह सुरु हुनु अशुभको संकेत भएको बताए ।
उनले परिवर्तनको नाममा थोपरिएका राज्य सञ्चालन प्रणालीलाई सच्याउनेतर्फ बहस चलाउन सम्पूर्ण राजनीतिक दललाई आग्रह समेत गरे।
यस बिषयमा तपाइको प्रतिक्रिया...!