वाको युएसएमा ठकुरीलाई रजत पदक

- May 20, 2019 गते तीव्रखबरमा प्रकाशित

तीव्रखबर (छिटो खबरको एउटै विकल्प)

विजय थापा, युएसए, गत शुक्रबार मे १७ का दिन एटलान्टिक सिटी न्युजर्सीमा सम्पन्न वर्ल्ड एसोसिएसन अफ किक बक्सिङ्ग अर्गनाईजेसन द्वारा आयोजित अन्तर्राष्ट्रिय प्रतियोगितामा ३ पटक गिनिज वर्ल्ड रेकर्ड उज्ज्वल ठकुरीलाई रजत पदक प्राप्त भएको छ ।

वाको युएसए को उक्त प्रतियोगितामा पोइन्ट फाइट (अंक युद्ध ) र ७४ केजी तौल भन्दा माथी ब्लाक बेल्ट(कालो फित्ताधारी) प्रदर्शनमा खेलमा उज्ज्वल ठकुरीले रजत पदक हासिल गरेका हुन् ।

उनि २९ बर्षिय मिलर ओमारी संग पराजित भएका थिए । नासका अन्तर्गत राखिएको वाको युएसए खेल भनेको वर्ल्ड एसोसिएसन अफ किक बक्सिङ्ग अर्गनाईजेसन हो । त्यसै गरि ठकुरीले नासकाको सृजनात्मक कातामा कास्य पदक हासिल गरेका छन् ।

ठकुरी भन्छन हार जित भैरहन्छ, म ४४ बर्ष उमेर भएकोले २९ बर्ष को युवा संग खेल्न मज्जा आएको बताए । उनले भने दुइ चोटी ढाल्न पनि पाएको बताए ।

यो अंकको खेलमा ढाल्न पाईदैन र जसले ढाल्छ खेल उसैले हार्छ । आफू अलिक उत्तेजित थिए, अलिक नियन्त्रण गरेको भए खेलले बाजी मार्न सक्थे उनले भने ।

नेपाली मूलका मध्ये अमेरिकामा वाको खेल्ने र रजत ल्याउने सम्भवत आफू भएको बताए । पदक नजिती ओलम्पिकमा भाग लिंदैमा ओलम्पियन बन्ने आफ्नो रहर छैन उनि भन्छन ।

ठकुरी भन्छन, म आफ्नो शरीर जिउदो रहुन्जेल, हात खुट्टा चलुन्जेल खेल खेलिराख्ने इच्छा भएको बताए ।


तीव्रखबर (छिटो खबरको एउटै विकल्प)

यस बिषयमा तपाइको प्रतिक्रिया...!